საფეხბურთო სიახლენი

2. Dstori (Off)
[ 14 Sep 2013, 13:52 ]
ფრანგული გამოცემა Le 10 Sport-ის ცნობით, “მონაკოს” მფლობელი დიმიტრი რიბოლოვლიოვი მადრიდის “რეალის” პორტუგალიელ ლიდერ კრიშტიანუ რონალდუს ორჯერ შეხვდა და საინტერესო შეთავაზებებით შეეცადა ფეხბურთელის მოხიბლვას, მაგრამ ვერაფრით დაითანხმა. გამოცემა ციფრებსაც აკონკრეტებს – კრიშტიანუ რონალდუმ წლიურ გასამრჯელოზე 20 მილიონ ევროზე თქვა უარი.

ესპანური სააგენტოების მიერ ბოლო დღეებში გავრცელებული ინფორმაციის თანახმად კი პორტუგალიელ ვარსკვლავს გადაწყვეტილება უკვე მიღებული აქვს – რონალდუ “სამეფო კლუბთან” კონტრაქტის 2018 წლამდე გახანგრძლივებას აპირებს.
[worldsport.ge]
[Pasuxi][Cit]|

3. Dstori (Off)
[ 14 Sep 2013, 13:53 ]
Es monaco naxet ra....
[Pasuxi][Cit]|

4. Dstori (Off)
[ 14 Sep 2013, 13:55 ]
“ნაპოლის” მთავარმა მწვრთნელმა რაფაელ ბენიტესმა ჟურნალისტებს უთხრა, რომ იტალიის ჩემპიონატის მესამე ტურის ცენტრალური მატჩის ყურებას არ აპირებს. შეგახსენებთ, დღეს ერთმანეთს “ინტერი” და “იუვენტუსი” დაუპირისპირდებიან. “ნაპოლი” კი ამ შეხვედრის დასრულებიდან დაახლოებით სამ საათში “ატლანტას” უმასპინძლებს.

“ამის სურვილი ნამდვილად არ მაქვს. “ინტერისა” და “იუვენტუსის” შეხვედრის მიმდინარეობისას მირჩევნია ჩვენს მომავალ მატჩზე ვიფიქრო” – ციტირებს ბენიტესის სიტყვებს იტალიური პრესა.
[worldsport.ge]
mgonia interi ar waagebs, juves ligaze gasvla aq favoritis rangshi da iq gadaitans albat yuradgebas
[Pasuxi][Cit]|

5. Dstori (Off)
[ 14 Sep 2013, 13:57 ]
პარასკევ საღამოს პლანეტის ყველაზე ძვირადღირებულ ფეხბურთელ გარეტ ბეილს მადრიდის “რეალში” ნამდვილი დებიუტი ჰქონდა, სადაც ახლოდან გაიცნო “კაცი-ნაჯახი” კრიშტიანუ რონალდუ. პორტუგალიელი ხისტი, უხეშობის ზღვრამდე მისული თამაშით “მანჩესტერ იუნაიტედში” გამოირჩეოდა, ესპანეთში ეს თითქოს შეიცვალა, მაგრამ პირველსავე ვარჯიშზე რონალდუ ბეილს, რომელსაც ტრავმა ახალი მოშუშებული აქვს, “თავს დაესხა” და უელსელი დაზიანებას სასწაულად გადაურჩა.

“სამეფო კლუბის” ახალი 11 ნომერი, ალბათ მადრიდში სულ სხვაგვარ დახვედრას ელოდა. ტრადიციული მისალმების შემდეგ, გახურების პროცესში რონალდუ ვარდნაში ორი ფეხით შევიდა ბეილის მარჯვენა ტერფში. ეს რომ ჩვეულებრივი თამაშისას მომხდარიტო, პორტუგალიელი გაფრთხილებას ვერ გადაურჩებოდა. უელსელის მიმართ სიხისტეს არც ლუკა მოდრიჩი მოერიდა, რომელიც წლების წინ ბეილის მხარდამხარ “ტოტენჰემში” თამაშობდა და გაჩნდა ეჭვი, რომ “სამეფო კლუბის” აღიარებული ვარსკვლავები 24 წლის ფეხბურთელში კონკურენტს ხედავენ.

პირველ ვარჯიშზე გარეტი ტრავმას გადაურჩა. გუნდის მთავარი მწვრთნელი კარლო ანჩელოტი მისი ფიზიკური მდგომარეობით კმაყოფილია და არ გამორიცხავს, რომ კვირას ბეილი “ვილიარელთან” მატჩში ათამაშოს და ამავდროულად, არც რონალდუს მოუწიოს სათადარიგოთა სკამზე დარჩენა.

“ბეილს შეუძლია მარჯვენა ფლანგზე ითამაშოს. ის და რონალდუ დიდებული ფეხბურთელები არიან და მათ კარგად ძალუძთ მხარდამხარ თამაში. ყველასათვის ცნობილია, რომ გარეტს სეზონის დასაწყისში ჯანმრთელობასთან დაკავშირებული პრობლემები ჰქონდა, მაგრამ ამჟამად მისი მდგომარეობა დადებითად ფასდება და აუცილებლად ითამაშებს, მაგრამ ჯერ არ გადამიწყვეტია, სასტარტო შემადგენლობაში დავაყენებ მას თუ არა. ის მაქსიმალურად მოტივირებულია და სურს, რომ მოედანზე რაც შეიძლება მალე გავიდეს. ბეილს ბიჭებთან ფანტასტიური ურთიერთობა ჩამოუყალიბდა და გუნდში თავს კომფორტულად გრძნობს” - განაცხადა ანჩელოტიმ.
[worldsport.ge]
.lol.

Magari kaifia
[Pasuxi][Cit]|

6. Dstori (Off)
[ 14 Sep 2013, 14:03 ]
საფრანგეთის ნაკრების ყოფილ მცველ ლილიან ტურამს ოჯახურ ძალადობაში სდებენ ბრალს. ფრანგული პრესის ცნობით, ვეტერანი ფეხბურთელის ყოფილმა მეგობარმა ქალმა, 41 წლის კარინ ლე მარშანმა 4 სექტემბერს პოლიციას მიმართა. ძალადობაში ეჭვმიტანილ ექსფეხბურთელს 17 სექტემბერს დაკითხავენ.

ლილიან ტურამმა საფეხბურთო კარიერა 2008 წელს დაასრულა, 36 წლის ასაკში. ფეხბურთიდან წასვლის გადაწყვეტილება იძულებით მიიღო, გულთან დაკავშირებული პრობლემის გამო.
[worldsport.ge]
sainteresoa ra qonda sazalado .dum.

?????
[Pasuxi][Cit]|

7. Dstori (Off)
[ 15 Sep 2013, 2:01 ]
21 წლის ქართველმა ნახევარმცველმა გიორგი ილურიძემ პირველი მატჩი ჩაატარა სპლიტის “ჰაიდუკში”. პირველი და თანაც რა მნიშვნელობის - აღმოსავლეთ ევროპის ერთ-ერთ ყველაზე ხმაურიან დერბიში. “ჰაიდუკმა” შინ 2:0 სძლია ზაგრების “დინამოს” და მეორე ადგილზეა, ლიდერი კი სწორედ ‘დინამოა”, რომელიც ერთი ქულითღაა სპლიტურ გუნდზე წინ.

“ჰაიდუკის” თავკაცმა იგორ ტუდორმა ილურიძე სასტარტოში დააყენა და 72-ე წუთზე შეცვალა, როცა ორივე გოლი გასული იყო.

გიორგი მეორე ნახევარში უფრო აქტიურობდა და პირველი გოლის დროსაც, შეტევისას მონაწილეობდა. ვერ ვიტყვით, რომ საუკეთესო იყო, მაგრამ სხვებზე ცუდადაც არ უთამაშია. საერთოდ კი, აჩორკნილ მინდორზე, საყურებლად კარგი თამაში ვერ გამოვიდოდა. ეს მინდორი “ჰაიდუკი”-“დილას” მატჩიდანაც გვახსოვს.

და კიდევ ერთი დებიუტი ახალგაზრდა ქართველისა, ოღონდ, ეს პორტუგალიაში... “პორტუს” წინააღმდეგ. “ჟილ ვისენტეში” ორი კვირის წინ გადასულმა ავთო ებრალიძემ ბოლო 15 წუთი ითამაშა “დრაგაოზე”. შეხვედრა “პორტუმ” 2:0 მოიგო.

შეგახსენებთ, ებრალიძე შემტევი ნახევარმცველია, 1991 წელსაა დაბადებული და გასული სეზონი რანგით მეორე ლიგის “ოლივეირენსეში” გაატარა. და პორტუგალიის უმაღლესი ლიგა (პრიმიერა ლიგა) რა დონისაცაა, ამაზე ლაპარაკიც უადგილოა. ასეთ ჩემპიონატებში ქართველები ყოველ კვირას როდი თამაშობენ...…

წარმატება ვუსურვოთ ორივე ახალგაზრდას შემდგომ მატჩებშიც.
[worldsport.ge]
[Pasuxi][Cit]|

8. Dstori (Off)
[ 19 Sep 2013, 20:52 ]
19 სექტემბერს, მიხეილ მესხის სახელობის სტადიონის საკონფერენციო დარბაზში გამართული კენჭისყრის შემდეგ, საქართველოს დავით ყიფიანის სახელობის თასის 1/8-ფინალში გუნდები ასე დაწყვილდნენ:

“ტორპედო” (ქუთაისი) – “სპარტაკი” (ცხინვალი)

“ლოკომოტივი” (თბილისი) – “ჩიხურა” (საჩხერე)

“შუქურა” (ქობულეთი) – “ვიტ ჯორჯია” (თბილისი)

“კოლხეთი” (ხობი) – “დინამო” (თბილისი)

“მეტალურგი” (რუსთავი) – “კოლხეთი” (ფოთი)

“სიონი” (ბოლნისი) – “ზესტაფონი”

“დილა” (გორი) – “დინამო” (ბათუმი)

“გურია” (ლანჩხუთი) – “მერანი” (მარტვილი)

1/8-ფინალის პირველი მატჩები 25-26 სექტემბერს გაიმართება, ხოლო საპასუხო -ოქტომბრის ბოლოს. ჯერ ზუსტი თარიღი ცნობილი არაა. საპასუხო თამაშების ჩატარების დრომ ასე იმიტომ გადაიწია, რომ 15 ოქტომბერს მსოფლიოს 2014 წლის ჩემპიონატის შესარჩევს ციკლში, საქართველოს ეროვნული ნაკრები სტუმრად ესპანეთთან ითამაშებს. 10 ოქტომბერს, ევროპის 2015 წლის ჩემპიონატის შესარჩევ ციკლში, საქართველოს 21-წლამდელთა ნაკრები ჰოლანდიას უმასპინძლებს, ხოლო 14-ში – შოტლანდიას.
[worldsport.ge]
[Pasuxi][Cit]|