1. ***MaLeNa***
(Off)
[ 05 Sep 2013, 11:48 ]
მასლოუ თვლიდა, რომ ადამიანის პიროვნება წარმოადგენს თვითრეალიზაციისა და ზრდისადმი თანდაყოლილი მიდრეკილების გამოხატულებას.
მასლოუს აზრით, ადამიანს გააჩნია 5 ძირითადი სახის მოთხოვნილება:
I. ფიზიოლოგიური –კვება, წყურვილი, ძილი, გამრაგვლება და ა.შ.
II. უსაფრთხოების მოთხოვნილება – სტაბილურობა, დაცვა, წესრიგი, უსაფრთხოება.
III. სოციალური მოთხოვნილება – ოჯახი, ჯგუფი, ურთიერთობები, ზრუნვა, თანაგანცდა.
IV. პატივისცემის მოთხოვნილება – დაფასება,მიღწევა, სტატუსი, პასუხისმგებლობა, რეპუტაცია.
V. თვითრეალიზაცია – პიროვნების განვითარება და რეალიზაცია.
მასლოუს თეორიის თანახმად, ადამიანები მხოლოდ მაშინ შეეცდებიან მაღალი დონის მოთხოვნილებების დაკმაყოფილებას, როცა ისინი შეძლებენ, ნაწილობრივ მაინც, დაიკმაყოფილონ ის მოთხოვნილებები, რომლებიც იერარქიის ქვედა ნაწილშია მოთავსებული.
მასლოუ აცნობიერებდა, რომ თვითრეალიზაციაა ძალიან რთული ამოცანაა. მისი ვარაუდით, მას ზრდასრული ადამიანების მხოლოდ 1% აღწევს.
ძალიან მნიშვნელოვანია მასლოუს პირამიდის გათვალისწინება სასწავლო პროცესში.
მასლოუს იერარქიულ მოდელში გარეგანი სტიმულები (გარეგანი მოტივაცია) ქცევას აღძრავს პირველ ორ– ფიზიოლოგიურ და უსაფრთხოების მოთხოვნილებების – დონეზე, დანარჩენ სამ დონეზე კი ადამიანის ქცევას შინაგანი სტიმულები (შინაგანი მოტივაცია) უდევს საფუძვლად.
[Pasuxi][Cit]|