1. Mon Ami
[Adm] (Off)
[ 17 Sep 2013, 3:10 ]
ნევროზი ხშირი სტრესული სიტუაციების, ხანგრძლივი მძიმე განცდებით განპირობებული მდგომარეობაა, რომელიც იწვევს ნერვული სისტემის დასუსტებას, შფოთვას და ვეგეტატიურ დარღვევებს (ოფლიანობა, გახშირებული გულისცემა, კუჭის და სხვა ორგანოების მოშაობის მოშლა).
ნევროზისთვის დამახასიათებელია:
სტრესების მიმართ მაღალი მგრძნობელობა (უმნიშვნელო სტრესულ მოვლენებზე ადამიანი სასოწარკვეთილებით ან აგრესიით რეაგირებენ), ემოციური ლაბილობა, წყენიანობა, სწრაფი დაღლა, მეხსიერებისა და აზროვნების უნარის დაქვეითება, გულისცემის გახშირება, გაფანტულობა, უძილობა ღამით და თვლემა დღისით, ოფლიანობა, არტერიული წნევის მერყეობა.
მიზეზები:
ნევროზის ძირითად მიზეზად ითვლება: ხანგრძლივი ფსიქოემოციური და ფიზიკური გადაღლა, გადატვირთვა, უსიამოვნო განცდები, ქრონიკული სტრესი – ეს შეიძლება იყოს როგორც სამუშაო, რომელიც ადამიანს მთელ ძალას ართმევს, ასევე პირად ცხოვრებაში სირთულეები, კონფლიქტები, რომელთა გამო ადამიანი ძლიერ განცდებშია, თუ ამ გაქტორის შერწყმა ხდება, ნევროზი თითქმის გარანტირებულია.
ზოგჯერ ნერვიული სისტემის დასუსტება ხდება საქმის ბოლომდე მიუყვანლობის, რთული სიტუაციებიდან თავდაღწევის შეუძლებლობის გამო.
ნევროზის აღმოცენებას ხელს უწყობს თავდაუზოგავი შრომა და თავისთვის დასვენების უფლების ჩამორთმევა.
ნევროზის განვითარების დამატებით ფაქტორად ითვლება ორგანიზმის დაავადებით დასუსტება – გამოფიტვაც (მაგ. გრიპი)
ნევროზით დაავადებულთათვის დამახასიათებელია შფოთვა, შიში, რასაც სხვადასხვაგვარი ფორმა აქვს:
ემოციური შფოთვა მუდმივი მწუხარე ფიქრები, რაიმე კონკრეტულ მოვლენაზე, ან შიშის მოლოდინი.
ფიზიკური შფოთვა , ის ჩვეულებრივ ვლინდება კუნთების დაძაბვით, მოდუნების უუნარობით, მკერდის მიდამოში უსიამოვნო შეგრძნებებით.
მოტორული შფოთვა: შიშის დაძლევის მიზნით მუდმივად მოძრაობის აუცილებლობით, ფეხების გამუდმებული ტოკვით.
ნევროზის შედეგები
ნევროზები იწვევენ შრომისუნარიანობის და გამძლეობის დაქვეითებას. გარდა ამისა ავადმყოფთა გაღიზიანებულობა-შეუწყნარებლობა ახლობლებთან კონფლიქტის მიზეზი ხდება, რაც სიტუაციას კიდევ უფრო ამძიმებს.
მკურნალობა
ნევროზი აბსოლიტურად მოსარჩენი დაავადებაა. მისი მკურნალობა ექიმის დანიშნულებით უნდა წარიმართოს. წამყვან მეთოდად ფსიქოთერაპია ითვლება, წამლებს დამხმარე როლი მიუეკუთვნება.
მოერიდეთ სტრესულ სიტუაციებს, თავს ნუ გადაიღლით, ხშირად დაისვენეთ და მოდუნდით. ცუდზე ნუ იფიქრებთ, თავს შთააგონეთ, რომ ყველაფერი კარგად იქნება!
წყარო:wignebi.com
[Pasuxi][Cit]|
|nevrozi
