Siyvaruli maradiulia? | Qartuli Forumi

35. LILITH [Mod] (Off)
[ 21 Sep 2013, 17:46 ]
ციტატა: vaso.ge

პავლეს ეპისტოლენი

პირველი კორინთელთა მიმართ

თავი მეცამეტე

1. კაცთა და ანგელოზთა ენებზეც რომ ვმეტყველებდე, სიყვარული თუ არა მაქვს, მხოლოდ რვალი ვარ მოჟღრიალე, მხოლოდ წკრიალა წინწილი.

2. წინასწარმეტყველების მადლიც რომ მქონდეს, ვიცოდე ყველა საიდუმლო და მქონდეს მთელი რწმენა, ისე, რომ მთების დაძვრაც შემეძლოს, სიყვარული თუ არა მაქვს, არარა ვარ.

3. მთელი ჩემი ქონება რომ გავიღო გლახაკთათვის და დასაწვავად მივცე ჩემი სხეული, სიყვარული თუ არა მაქვს, არას მარგია.

4. სიყვარული სულგრძელია და კეთილმოწყალე; სიყვარულს არ შურს, არ ქედმაღლობს, არ ზვაობს;

5. არ უკეთურობს, არ ეძებს თავისას, არ მრისხანებს, არ იზრახავს ბოროტს;

6. არ შეჰხარის უსამართლობას, არამედ ჭეშმარიტებით ხარობს;

7. ყველაფერს იტანს, ყველაფერი სწამს, ყველაფრის იმედი აქვს, ყველაფერს ითმენს.

8. სიყვარული არასოდეს არ გადავა, თუმცაღა წინასწარმეტყველებანი განქარდებიან, ენები დადუმდებიან და უქმი გახდება ცოდნა.

9. რადგან ჩვენ ნაწილობრივ ვიცით, ნაწილობრივ კი წინასწარვმეტყველებთ.

10. ხოლო როდესაც მოიწევა სრულქმნილება, მაშინ განქარდება ნაწილობრივი.

11. როდესაც ვიყავი ყრმა, ვიტყოდი, როგორც ყრმა, ვფიქრობდი, როგორც ყრმა, ვმსჯელობდი, როგორც ყრმა; ხოლო როდესაც დავკაცდი, ზურგი ვაქციე ყოველივე ყრმობისდროინდელს.

12. რადგანაც ახლა ბუნდოვნად ვხედავთ, როგორც სარკეში, მაშინ კი პირისპირ ვიხილავთ; ახლა ნაწილობრივ ვიცი, ხოლო მაშინ შევიცნობ, როგორც თავად შევიმეცნები.

13. ჯერჯერობით კი ეს სამია: სარწმუნოება, სასოება და სიყვარული; ხოლო ამათში უმეტესი სიყვარული.
[Pasuxi][Cit]|

37. [GURULO] (Off)
[ 03 Oct 2013, 2:15 ]
ჩემი აზრით, ცოტა გადატანითი ნათქვამია "სიყვარული მარადიულიაო".
მე ასე ვთვლი, რომ თვითონ გრძნობა კი არა, არამედ თვითონ სიყვარულის ნაყოფია ჯერ მარადიული და მერე სიყვარული, ანუ მე აქ უკვე სხვაგვარ სიყვარულზე გადავდივარ და არა ქალ-ვაჯურზე, აქ შთამომავალი და შთამომავლური სიყვარულია რაც ჩვენ და ჩვენს სიყვარულსაც მარადიულს გვხდიან... იმიტომ რომ, ჩვენ რომ არა და ჩვენი სიყვარული, ისინი ხომ უბრალოდ არ იარსებებდნენ...
[Pasuxi][Cit]|