ფერნანდო ტორესი

20. Dstori (Off)
[ 26 Sep 2013, 13:17 ]
ლონდონის "ჩელსის" ესპანელი თავდამსხმელის ფერნადო ტორესის განცხადებით, ჟოზე მოურინიოს დაბრუნების შემდეგ მთელმა კლუბმა იცოდა, რომ მაღალი მიზნებისთვის უნდა ებრძოლა.

"ჩვენ ძალიან გრძელი სეზონი გვაქვს და შევეცდებით მნიშვნელოვანი თამაშები მოვიგოთ. კლუბის 25 კარგი ფეხბურთელი მოურინიოს გეგმებში შევდივართ და ვაცნობიერებთ, თუ რამდენად რთულია უდიდეს გუნდში თამაში. მწვრთნელის გადაწყვეტილებაა, ყოველ თამაშს სრულ მზადყოფნაში შევხვდეთ" _ განუცხადა ტორესმა კლუბის ოფიციალურ საიტს.

ესპანელი ფეხბურთელი ლიგის თასის თამაშსაც შეეხო:

"იმ ფეხბურთელებისთვის, რომლებიც წინა მატჩებში ბოლომდე არ ვიტვირთებოდით, ძალიან კარგი თამაში გამოგვივიდა. თასის მატჩებზე ქვედა ლიგის გუნდებს სტუმრად ვეთამაშებით. მათი შემართება და ბრძოლისუნარიანობა ჩვენთან თამაშისას განსაკუთრებულია. კარგი პრაქტიკა მივიღეთ და გუნდის თამაშით კმაყოფილი ვარ".

ესპანელმა თავდამსხმელმა ინგლისის ლიგის თასზე "სუინდონის" წინააღმდეგ მატჩში 90 წუთი ითამაშა და გოლიც გაიტანა.
[Pasuxi][Cit]|