საკალათბურთო სიახლენი Dstori 14 სექტ 2013, 14:33 აქ ვწერთ ყველა საინტერესო სიახლეს რაც ხდება კალათბურთში --------------- Dstori 14 სექტ 2013, 14:38 საქართველოს კალათბურთელთა ეროვნულმა ნაკრებმა ევროპის ჩემპიონატის ფინალურ ეტაპზე ასპარეზობა პირველ ჯგუფურ ეტაპზე დაასრულა. სამწუხაროდ, იგორ კოკოშკოვის მიერ მომზადებულმა საქართველოს ნაკრებმა 5 შეხვედრიდან მხოლოდ ერთი მოიგო (პოლონეთი), 6-გუნდიან ჯგუფში, პოლონეთთან და ჩეხეთთან ერთად, თანაბარი ქულები დააგროვა და IV-VI ადგილები გაინაწილა. “ჯვაროსნებმა” ევრო-2013-ის ფინალური ტურნირი კარგად დაიწყეს, რომლებმაც პოლონეთი დიდი ანგარიშით – 84:67 დაამარცხეს. ქართველმა კალათბურთელებმა მეორე ტურში დიდი ბრძოლა გამართეს მეორე ადგილზე გასულ ხორვატიასთან, მატჩის ბედი კინკილა ქულამ გადაწყვიტა სამხრეთსლავების სასარგებლოდ – 76:77. ქართველ კალათბურთელებს თავი არც მესამე შეხვედრაში, მასპინძლებთან მატჩში შეურცხვენიათ, სლოვენიას დიდი ბრძოლა გაუმართეს, მაგრამ მაინც დამარცხდნენ – 68:72. გადაღლილმა “ჯვაროსნებმა” მეტის გაკეთება ვერ შეძლეს, ბოლო ორ შეხვედრაში ჩეხეთთან (79:95) და ევროპის მოქმედ ჩემპიონ ესპანეთთან (59:83) დიდი ანგარიშით დამარცხდნენ და როგორც უკვე აღვნიშნეთ, ასპარეზობას ნაადრევად გამოეთიშნენ. საქართველოს ნაკრები მომდევნო ევრო-2013-ის ფინალური ტურნირისთვის ბრძოლას 2014 წლის ზაფხულში დაიწყებს. თუ რომელ გუნდებთან მოუწევთ ქართველებს შესარჩევ ტურნირში თამაში, მომავალი წლის იანვარში ჩატარებული კენჭისყრის შემდეგ გახდება ცნობილი. 13 სექტემბერს, საქართველოში დაბრუნების შემდეგ, საქართველოს კალათბურთის ფედერაციის პრეზიდენტმა ბესიკ ლიპარტელიანმა, ფედერაციის გენერალურმა მდივანმა მერაბ რატიშვილმა და ეროვნული ნაკრების მთავარი მწვრთნელის, იგორ კოკოშკოვის თანაშემწე დავით უსტიაშვილმა ფედერაციის შენობაში მასმედიისთვის ბრიფინგი მოაწყვეს. ბრიფინგი რატიშვილმა გახსნა, რომელმაც მასმედიას მობრძანებისთვის მადლობა გადაუხადა. ამის შემდეგ სიტყვა ფედერაციის პირველმა პირმა ლიპარტელიანმა აიღო. - მიუხედავად იმისა, რომ ნაკრები ორი გამოკვეთილი ლიდერის, ნბა-ში მოასპარეზე ტრავმირებული ზაზა ფაჩულიასა და თორნიკე შენგელიას გარეშე ასპარეზობდა, გამოცდილ მეტოქეებს ტოლი არ დაუდო და მომდევნო ეტაპზე გასასვლელად სულ ცოტა დააკლდა. პოლონეთთან დიდი ანგარიშით მოგების შემდეგ, ჩვენმა გუნდმა იდეალურად ითამაშა ხორვატიასთან, მაგრამ ფორტუნამ ზურგი გვაქცია და გამარჯვება მეტოქეს დარჩა. ხორვატებს ძალიან კარგი გუნდი ჰყავთ, დიდი შანსი აქვთ სამეულში მოხვდნენ და ერთ-ერთი სინჯის მედალი მოიპოვონ. ერთდღიანი შესვენების შემდეგ ბიჭებმა ძალები მოიკრიბეს და სლოვენიასთანაც ძალიან კარგად ითამაშეს. შეიძლება ითქვას, რომ აღნიშნული შეხვედრა მსაჯებმა წაგვაგებინეს. ამის შემდეგ ბიჭებს დაღლა დაეტყოთ და ჩეხეთთან და ესპანეთთან უშანსოდ დავმარცხდით. მართალია, განაცხადში 12 კალათბურთელი იყო, მაგრამ ფინალური ეტაპის მატჩების სიმძიმემ 5 კალათბურთელზე გადაიარა. ტრავმირებულები თამაშობდნენ რიკი ჰიკმენი და მანუჩარ მარკოიშვილი. ჰიკმენმა ერთ-ერთი ვარჯიშის დროს კოჭი იღრძო, ხოლო მარკოიშვილს ძველი ტრავმა გაუმიზეზდა და რამდენიმე შეხვედრაში გამაყუჩებელი გამოიყენა. ევრო-2011-ის ფინალურ ტურნირზე 12 საუკეთესო გუნდს შორის მოვხვდით. მართალია, ამჯერად უარესი შედეგი ვაჩვენეთ, მაგრამ ნაკრების თამაშით მაინც კმაყოფილი ვარ. აქვე მინდა აღვნიშნო, რომ ხელისუფლების მხრიდან იოტისოდენა ყურადღებაც კი არ გვიგრძვნია. პოლონეთთან მოგების შემდეგ ჩვენთვის არავის დაურეკავს. აქამდე თავს ვიკავებდი და შეგნებულად არაფერს ვამბობდი. ახლა მზად ვარ ვისაუბრო იმ ზეწოლაზე, რომელსაც ხელისუფლების მხრიდან განიცდის კალათბურთის ფედერაცია. - კონკრეტულად რა გაქვთ მხედველობაში? - პირდაპირ მითხრეს, რომ 12-წლიანი მმართველობის შემდეგ პოსტი დავტოვო და ადგილი მიხეილ ახვლედიანს დავუთმო. იმ ახვლედიანს, რომელსაც ბოლო წლებში კალათბურთისთვის საქართველოში ერთი თეთრის საფასური არაფერი გაუკეთებია და ძირითადად ესპანეთში დროსტარებით ირთობდა თავს. უსამართლოდ მოექცნენ დავით უსტიაშვილს (“ქუთაისი-2010”-ის ყოფილი მწვრთნელი), მიხეილ ბერუაშვილს (“რუსთავის” ყოფილი მწვრთნელი”) და გია კაზანჯიანს (“ოლიმპის” ყოფილი მწვრთნელი), რომლებიც, შესაბამისად, 20, 18, 16 წლამდელთა ნაკრები გუნდების მწვრთნელები არიან. ეს მწვრთნელები ზემოთ ნახსენები კლუბებიდან ისე გაუშვეს, არაფერი უკითხავთ. ეროვნული ნაკრების მთავარი მწვრთნელის ერთ-ერთ თანაშემწე კოტე ტუღუშსაც უპირებდნენ “არმიას” მთავარი მწვრთნელის პოსტიდან გათავისუფლებას, მაგრამ ბოლოს გადაიფიქრეს. ამ ყველაფერში ბრალი სპორტისა და ახალგაზრდობის საქმეთა მინისტრ ლევან ყიფიანს მიუძღვის, რომელიც უხეშად ერევა როგორც კალათბურთის ფედერაციის, ისე სუპერლიგის გუნდების საქმიანობაში. - 2013 წლის ბოლომდე უნდა ჩატარდეს კალათბურთის ფედერაციის საპრეზიდენტო არჩევნები. როდის არის დაგეგმილი მისი ჩატარება? - ამ დღეებში შეიკრიბება კალათბურთის ფედერაციის გამგეობა და არჩევნების ჩატარების თარიღს დანიშნავს. - აპირებთ აღნიშნულ არჩევნებში პრეზიდენტის პოსტსზე თქვენი კანდიდატურის დაყენებას? - ჯერ არ მომიფიქრებია, ვნახოთ მომავალი გვიჩვენებს. - ცნობილია პრეზიდენტობის ორი კანდიდატი, ვეტერანი კალათბურთელები მიხეილ ახვლედიანი და ვლადიმერ ბოისა. მათ შესახებ რას გვეტყვით? - ­ ახვლედიანის “დამსახურება” ისაა, რომ ყიფიანის უახლოესი მეგობარია და მისი დიდი მხარდაჭერით სარგებლობს. რაც შეეხება ვლადიმერ ბოისას, მისი დამსახურება დიდია ქართული კალათბურთის წინაშე და ვთვლი, რომ კარგი კანდიდატურაა. ვფიქრობ, პრეზიდენტობის მსურველი კანდიდატები კიდევ გამოჩნდებიან. - რას გვეტყვით ფედერაციის მიერ ჩაშლილად გამოცხადებული რიგგარეშე ყრილობის შესახებ, რომელიც დეპუტატთა ნაწილმა გააგრძელა და რამდენიმე გადაწყვეტილებაც მიიღო? - - რა თქმა უნდა, არ ვაღიარებთ ჩვენ მიერ ჩაშლილად გამოცხადებული ყრილობის მიერ მიღებულ გადაწყვეტილებას. აღნიშნულ ყრილობასთან დაკავშირებით წერილობით მივმართეთ საქართველოს პარლამენტის სპორტის კომიტეტს და გადაწყვეტილებას პასუხის შემდეგ შემდეგ მივიღებთ. - თუ მოხდება ფედერაციის წესდებაში ცვლილების შეტანა, რომელსაც რიგგარეშე ყრილობაზე აპირებდით? - ვაპირებ შემოვიარო საქართველოს რეგიონები და კალათბურთის ფედერაციაში დაქვემდებარებულ ორგანიზაციებს წესდებაში მოსალოდნელი ცვლილებები გავაცნო. ამის შემდეგ ჩავატარებთ რიგგარეშე ყრილობას, რომელიც წესდებაში ცვლილებას შეიტანს. დავით უსტიაშვილი: ნაკრებმა ევრო2013–ისთვის მზადება ისე გაიარა, რომ ხელისუფლებისგან იოტისოდენა ყურადღება არ უგრძვნია - ეროვნული ნაკრების წევრებმა თუ მიიღეს ევრო 2011-სთვის დაწესებული პრემიალურები? - წინა ხელისუფლებამ არ მოგვცა, ახალი ამბობს, ჩემი დაწესებული არ ყოფილაო. აღნიშნულიდან გამომდინარე, კალათბურთელებს პრემიალურები არ მიუღიათ. - რატომ თამაშობდა ჩვენი ნაკრები ერთი ცენტრით? - ცენტრალური თავდამსხმელის, გიორგი შერმადინის დახმარება ნიკოლოზ ცქიტიშვილს ევალებოდა, რომელიც ამას ადრეც აკეთებდა და კლუბშიც ხშირად აკეთებს. - მწვრთნელის პოსტზე სუპერლიგის რომელიმე კლუბი ხომ არ დაგკავშირებიათ? - ჯერჯერობით ისევ უმუშევარი ვარ. ლიპარტელიანის ბრალდებებზე ლევან ყიფიანმა კომენტარი გააკეთა: “პირველი არხის გადაცემა “არენაში” და 13 სექტემბერს კალათბურთის ფედერაციაში მოწყობილ ბრიფინგზე კალათბურთის ფედერაციის პრეზიდენტმა ბესიკ ლიპარტელიანმა “სიახლეების” კასკადი მოაწყო. ყველაფერი, რაც ლიპარტელიანმა ამ ბრიფინგზე განაცხადა, სრული სიცრუეა. თურმე მე ვლობირებ კონკრეტულ პიროვნებებს. ეს არის არნახული სიცრუე. მე და ჩემმა ჯგუფმა სამინისტროში მოსვლისთანავე განვაცხადეთ, რომ ჩვენი პრინციპი ფედერაციების მუშაობაში ჩაურევლობა იქნებოდა და ასეცაა. თურმე მე ვერევი კლუბებში მწვრთნელების მოხსნა-დანიშვნებში. არ ვაქცევ ყურადღებას ნაკრების მომზადების პროგრამას... ამ ყველაფერს კადრულობს ერთ-ერთი ყველაზე პოპულარული სპორტის ფედერაციის პრეზიდენტი. მოვითხოვ ყველა იმ ბრალდებაზე მტკიცებულებას, რომელსაც მე, ლევან ყიფიანს, ბესიკ ლიპარტელიანი მიყენებს [worldsport.ge] sirxxvilia da meti araferi --------------- Dstori 24 სექტ 2013, 9:32 სლოვენიაში გამართულ ევროპირველობაზე ტონი პარკერმა ყველაზე სასარგებლო მოთამაშის (MVP) წოდებაც მოიპოვა და ტურნირის საუკეთესო მექულეს სახელიც. “სან ანტონიოს” კალათბურთელი საშუალოდ 19 ქულას აგროვებდა მატჩში. ამ მხრივ, ფრანგი 2011 წლის ევრობასკეტზეც პირველი იყო, საშუალოდ 22.1 ქულით. მოედანზე ყველაზე მეტ დროს ბოიან ბოგდანოვიჩი ატარებდა _ 34.1 წუთი. ხორვატი კალათბურთელი პარკერს საერთო მონაგარის მხრივ 18 ქულით ჩამორჩა (პარკერმა 209 ქულა დააგროვა, ბოგდანოვიჩმა – 191). ბელგიელი აქსელ ჰერველე მატჩში საშუალოდ 7.9 მოხსნას ახორციელებდა, შედეგიან გადაცემებში კი საუკეთესო მანტას კალნიეტისი აღმოჩნდა _ 5.0 ქულა: მოთამაშე ქვეყანა თ ქ საშ 1 პარკერი საფრანგეთი 11 209 19.0 2 ბოგდანოვიჩი ხორვატია 11 191 17.4 3 სპანულისი საბერძნეთი 6 100 16.7 4 გ.დრაგიჩი სლოვენია 11 174 15.8 5 კრსტიჩი სერბეთი 10 154 15.4 დრო: მოთამაშე ქვეყანა თ წ საშ 1 ბოგდანოვიჩი ხორვატია 11 375 34.1 2 კალნიეტისი ლიტვა 11 358 35.5 3 ბელინელი იტალია 10 317 37.7 4 დატომე იტალია 11 343 31.2 5 კოპონენი კოპონენი 8 249 31.1 მოხსნა: მოთამაშე ქვეყანა თ მ საშ 1 ჰერველე ბელგია 8 63 7.9 2 გასოლი ესპანეთი 11 86 7.8 3 ტომიჩი ხორვატია 11 79 7.2 4 აჟინცა საფრანგეთი 11 77 7.0 5 ბიელიცა სერბეთი 11 77 7.0 პასი: მოთამაშე ქვეყანა თ პ საშ 1 კალნიეტისი ლიტვა 11 55 5.0 2 კოპონენი ფინეთი 8 38 4.8 3 გ. დრაგიჩი სლოვენია 11 50 4.5 4 ზისისი საბერძნეთი 8 34 4.3 5 იეტერი უკრაინა 11 45 4.1 --------------- Dstori 24 სექტ 2013, 9:56 http://archive.wapforum.ge/files/123344_674.jpg სუპერლიგის ერთ_ერთი გამოცდილი კალათბურთელი, ცენტრალური თავდამსხმელი მამუკა ბოლქვაძე, აქტიურ სპორტს დაუბრუნდა და კარიერას ,,ბათუმი რსუ”-ში გააგრძელებს ამის შესახებ, ,,მსოფლიო სპორტს” ,,ბათუმი-რსუ”-ს მთავარმა მწვრთნელმა მიხეილ კობეშავიძემ განუცხადა. შეგახსენებთ, ბოლქვაძე ბათუმის საკალათბურთო სკოლის აღზრდილია. ბოლოს, 2011-12 წლების საკალათბურთო სეზონში თამაშობდა. 2012-13 წლების სეზონში არსად უთამაშია. ,,ბათუმი-რსუს” გარდა, ,,თბილავიამშენსა” და ,,ქუთაისი-2010”-შიც აქვს ნათამაშები. --------------- Dstori 24 სექტ 2013, 9:58 ვაუუუუ სადღა ვიფიქრებდი რომ აწი ჩემს დეიდაშვილზე სტატიას ვნახავდი თან მსგავსი სახის .magaria. მიდი პეშკინ --------------- Dstori 24 სექტ 2013, 18:13 2013 წლის ევროპის ჩემპიონატის დასრულების შემდეგ, ცნობილი გახდა 20 ნაკრების ვინაობა იმ 24-დან, რომლებიც ესპანეთში 2014 წელს დაგეგმილ საკალათბურთო მსოფლიოს ჩემპიონატზე ითამაშებენ. ოლიმპიური ჩემპიონი: აშშ. მსოფლიოს ჩემპიონატის მასპინძელი: ესპანეთი. აფრიკა: ანგოლა, ეგვიპტე, სენეგალი. ამერიკა: მექსიკა, პუერტო-რიკო, არგენტინა, დომინიკის რესპუბლიკა. აზია: ფილიპინები, ირანი, სამხრეთ კორეა. ოკეანეთი: ავსტრალია, ახალი ზელანდია. ევროპა: ლიტვა, საფრანგეთი, ხორვატია, სლოვენია, უკრაინა, სერბეთი. დარჩენილი ოთხ ვაკანსიას ის გუნდები შეავსებენ, რომელთაც ფიბა-სგან “უაილდ ქარდები” ერგებათ, მათი ვინაობა კი მიმდინარე წლის 23-24 ნოემბერს ბუენოს-აირესში დაგეგმილ ორგანიზაციის კონგრესზე გაცხადდება. სხვა საქმეა, რომ აღნიშნული უფლებისთვის ბრძოლა უკვე დაწყებულია. მაგალითად, იტალიის კალათბურთის ფედერაცია მზადაა, “უაილდ ქარდისთვის” 500 ათასი ევრო გადაიხადოს. შეგახსენებთ, რომ გასულ ევრობასკეტზე აპენინელებმა მხოლოდ მე-8 ადგილი დაიკავეს და ახლა, მსოფლიოს პირველობის საგზურისთვის ბრძოლა ამ ხერხებით უწევთ. მოსალოდნელია, რომ დარჩენილი 4 ვაკანსიისთვის იტალიელთა გარდა, ბრაზილია, ჩინეთი, თურქეთი, საბერძნეთი, ვენესუელა, ნიგერია, ტუნისი, კანადა, ტაივანი და რუსეთიც იბრძოლებენ. უკვე გაჩნდა ინფორმაცია, რომ ერთ-ერთი “უაილდ ქარდი” დიდი ალბათობით ჩინეთს ერგება. ფავორიტთა შორისაა 2016 წლის ოლიმპიადის მასპინძელი ბრაზილიაც, ევროპელთაგან კი საუკეთესო შანსები ხსენებულ იტალიას და თურქეთს გააჩნიათ. ცნობისთვის, 2014 წლის მსოფლიოს ჩემპიონატის წილისყრა 4 თებერვალს ბარსელონაში გახლავთ დაგეგმილი. --------------- Dstori 26 სექტ 2013, 14:03 25 სექტემბერს გაიმართა საქართველოს კალათბურთის ფედერაციის გამგეობის სხდომა, რომელმაც მიიღო შემდეგი გადაყვეტილებები: - საქართველოს კალათბურთის ფედერაციის პრეზიდენტის არჩევნები გაიმართება არა უგვიანეს 2013 წლის 14 დეკემბრისა. - გამგეობამ დამაკმაყოფილებლად შეაფასა საქართველოს ეროვნული ნაკრების გამოსვლა ევროპის 2013 წლის ჩემპიონატზე. - გამგეობამ დაამტკიცა 2013-14 წლების ჩემპიონატის დაწყების თარიღი და მონაწილე გუნდები. ჩემპიონატი დაიწყება 2013 წლის 19 ოქტომბერს და მასში მონაწილეობას მიიღებს 9 გუნდი: ”შსს აკადემია”, ”ოლიმპი”, ”არმია”, ”ქუთაისი”, ”დინამო”, ”სოხუმი”, ”რუსთავი”, ”ბათუმი”, ”მაკაბი”. 5 ოქტომბერს დაიწყება დუდუ დადიანის მემორიალი. --------------- Dstori 26 სექტ 2013, 14:04 Batumi imedia kargad iasparezebs --------------- Dstori 26 სექტ 2013, 14:10 25 Septembers, საკალათბურთო აკადემიაში სუპერლიგისა და ასაკობრივი ლიგების მსაჯების ტესტირება ჩატარდა, რის შემდეგაც ქართველმა არბიტრებმა ფედერაციაში თეორიული, წერითი გამოცდები ჩააბარეს. ეს გახლდათ ტრადიციული, წინასასეზონო ტესტირება და გამოცდები, რომლებშიც მონაწილეობა როგორც ეროვნული კატეგორიის, ასევე ფიბა-ს არბიტრებმა მიიღეს. ამავდროულად, საერთაშორისო კატეგორიის მქონე არბირტებმა, რომლებსაც ფიბა-ს ყოველწლიური ტესტები არ ჰქონდათ ჩაბარებული, შემთხვევით ისარგებლეს და ნორმატივები დღეს ჩააბარეს. ტესტირებას და გამოცდებს ფიბა-ს არბიტრი, საქართველოს კალათბურთის მსაჯთა კავშირის ინსტრუქტორი, მაკა კუპატაძე და ამ ორგანიზაციის პრეზიდენტი როლანდ ხომერიკი უძღვებოდნენ. მსაჯთა უმეტესობამ ტესტებიც მაღალ დონეზე ჩააბარა და თეორიული გამოცდებიც. --------------- Dstori 27 სექტ 2013, 11:34 სუპერლიგის ერთ-ერთი საუკეთესო კალათბურთელი, გამთამაშებელი გიორგი(ლაშა) გამყრელიძე (04.02.86, 185 სმ,78კგ), საქართველოს ყველაზე ტიტულოვან კლუბ თბილისის ,,დინამოში” ჩაირიცხა. ამის შესახებ, ,,მსოფლიო სპორტს” თავად გამყრელიძემ განუცხადა. შეგახსნებთ, გამყრელიძემ 2012-13 წლების სეზონი სუპერლიგის ერთ-ერთ საუკეთესო გუნდ ,,არმიაში” გაატარა, რომელიც ბრინჯაოს მედლის მფლობელი გახდა. გიორგიმ ლომის წილი შეიტანა კრიზისში მყოფი ,,არმიის” მიერ ბრინჯაოს მედლის მოპოვებაში. ეროვნული ნაკრებისა და უცხოური გუნდების გარდა, გამყრელიძეს სუპერლიგის თითქმის ყველა წამყვან გუნდში აქვს ნათამაშები. --------------- Dstori 29 სექტ 2013, 8:56 სუპერლიგის მონაწილე “ბათუმი-რსუ”-მ ორი ახალგაზრდა ამერიკელი ლეგიონერი ჯერემი-ჯეიმს სეფოლდი (2-3 ნომერი) და ჯეიმი-დერელ ჯეკსონი (4-5 ნომერი) დაიმატა, რომლებთანაც ერთწლიანი კონტრაქტი გააფორმა. ამის შესახებ “მსოფლიო სპორტს” “ბათუმი-რსუ”-ს გუნდის უფროსმა კახა დევიძემ განუცხადა. შეგახსენებთ, რომ სეფოლდმა და ჯეკსონმა “ბათუმი-რსუ”-ში რამდენიმეკვირიანი შემოწმება გაიარეს, რის შემდეგაც ზღვისპირელებმა მათთან კონტრაქტის გაფორმება გადაწყვიტეს. მათ გარდა “ბათუმი-რსუ”-მ ცენტრალური თავდამსხმელი ირაკლი კობიძე (თსუ) დაიმატა, ხოლო იგივე ამპლუის მოთამაშე მამუკა ბოლქვაძე გუნდს ერთწლიანი განშორების შემდეგ დაუბრუნდა. გარდა ამისა, კლუბი გამოცდილმა ფორვარდმა ლაშა კეშელავამ დატოვა, რომელიც კარიერას ქვეყნის ჩემპიონისა და თასის მფლობელის “შსს აკადემიას” რიგებში განაგრძობს. --------------- Dstori 29 სექტ 2013, 8:57 2013 წლის დუდუ დადიანის მემორიალი 5 ოქტომბერს იწყება 2013-2014 წლების საკალათბურთო სეზონი ტრადიციულად დუდუ დადიანის მემორიალით გაიხსნება. ცნობილი ქართველი კალათბურთელისა და ფედერაციის ვიცე–პრეზიდენტის ხსოვნის ტურნირი საკალათბურთო აკადემიის დარბაზში სტარტს 5 ოქტომბერს აიღებს და 9 ოქტომბერამდე გაგრძელდება. წლევანდელ მემორიალში 6 გუნდი ( არმია, ქუთაისი, რუსთავი, შსს აკადემია, სოხუმი და ოლიმპი) მიიღებს მონაწილეობას, რომლებიც 2 ჯგუფში სუპერლიგის გასული სეზონის ჩემპიონატის შედეგების შესაბამისად გადანაწილდა. http://superleague.ge/ --------------- MESUT OZIL 06 ოქტ 2013, 0:17 79-83: მადრიდის "რეალის" საკალათბურთო გუნდი სუპერთასის მფლობელია 79-83: მადრიდის "რეალის" საკალათბურთო გუნდი სუპერთასის მფლობელია პაბლო ლასოს გუნდმა "ბარსელონა" დაამარცხა. "ლოს ბლანკოსმა", მიროტიჩისა (20 ქულა) და სერხიო როდრიგესის (18 ქულა) წყალობით, ტიტული შეინარჩუნა. მადრიდელებმა სუპერთასზე მოსისხლე მტერი - კატალონიის "ბარსელონა" (83:79) დაამარცხეს. ---------------